Drama Endings. Hit or Miss?

Pakistani dramon ke aise endings jo ya to sab ko pasand ayen ya sabne sakht napasand kiya

Dramon ke endings buhat ehmiat rakhti hain keunke isse he decide hota hai ke drama hit hua ya flop. Agar shuru se achay chaltay hue dramay ke ending achi na ho to logon ke reviews dramay ke baaray mein foran badal hojatay hain. Is liye writers ending buhat ehtiat se or viewers ke mindset ke mutabiq likhte hain.

Recently kayi dramay end hue or inke endings pe kafi tabsaray hue. Aiye dekhte hain 2020 ke aise dramas ke endings jinhon ne audience ko divided rakha.

  • Ishqiya:

Shuru se aik behtareen kahani or acting ke sath chalnay wala ye drama end hua aik mukhtalif tareeqe se. Log kafi na khush hue ye dekh ke keh akhir mein sirf Hamza ke sath bura hua jabke qusoorwar hamna bhe the.

  • Pyar Ke Sadqay:

Aik mukhtalif story, behtareen adakari, or happy ending ke waja se pyar ke sadqay is saal ke behtareen dramon mein se hai. Abdullah or mehjabeen ka dobara aik hona, sarwar ke behtareen saza, or mansoora ko ehsas hona. Yehe end dekhna chahtay thay log.

  • Sabaat:

Jahan aik behtareen kahani ke sath sabaat ne logon ko mutawajja rakha wahen aik jaldbaaz ending se logon ko mayoos bhe kiya. Lekin kuch log happy ending se khush bhe thay ke donon couples apas mein milgaye.

  • Kashf:

Ye drama end hua main character kashf ke marne par jo apne ghar walon ke lalach or khudgarzi ke waja se apni zindagi se hath dho bethi. Is dukh bhari ending se kuch log khush to hue lekin baqi log kashf or wajdan ke aik happy ending chahtay thay.

Ap logon ke in drama endings ke baaray mein kia raye hai?

Leave a Reply

Your email address will not be published. Required fields are marked *