Celebrities who left showbiz for Islam

Guzishta kuch arsay se ham dekh rae hain kafi showbiz ke adakaar, models, singers is showbiz ke duniya ko chor kar raah e haq ka intekhab kar rae hain. Or ye tamam celebrities apni career ke peak par thay or itna successful hone ke baad in sab ne is showbiz ke duniya ko khair baad kiya. Aiye dekhte hain un celebrities ko jinhon ne success ke peak pe is showbiz ko khair baad kiya.

  1. Junaid jamshed:

90s ke top singer jinke gaanay har Pakistani ke zaban pe hotay thay, top band vital signs ke vocalist, ab tak kay mashoor mili nagmay dil dil Pakistan ko gaanay walay junaid jamshed ne success ke peak par akar 2004 mein music ke duniya ko khair baad kiya or Islam ka rasta chuna.

source: Babar Ahmed
  • Urooj Nasir:

Mashoor PTV actress jinhon ne hit dramay lunda bazaar or na jaanay keun mein acting se sab ke dil jeet liye, inhon ne 2011 mein showbiz se apni raahen alag Karen. Unka kehna tha 2005 ke zalzalay ke baad se main apni zindagi ka asal maqsad dhoondne lagi or akhir kaar mujhe ye maqsad smjh agaya.

source: web.pk
  • Noor Bukhari:

Filmstar noor bukhari jinke dance talent ke sab garweeda thay, unhon ne apni 5th talaq ke baad or aik mushkil waqt se guzarnay ke baad aik Islamic scholar se rujooh kiya jisse unka dil badal gaya or apni zindagi ka asal matlab pata chala. Noor ne iske baad apni showbiz zindagi ko peeche chor diya or islam ke tareeqe se apni zindagi guzarne lagen.

source: Dunya News
  • Hamza ali Abbasi:

Industry ko pyaray Afzal, mann mayal or alif jaise top hits dene ke baad, Hamza ali abbasi ne showbiz chorne ka ailan kiya or Islam ke mutabiq zindagi guzarne ka faisla kiya. Unhon ne apne youtube channel par bhe apne atheism se le kar islam tak ke poore safar ke baaray mein bhe bataya.

  • Anam Malik:

Super model anam malik jo ke 2018 mein hum style awards mein best female award bhe jeet chuke hain. Kuch dinon pehle unhon ne apne Instagram account pe apne fans ke hijab lene or baqi saari tasaweer hatanay ka poochne pe jawab diya ke unhon ne modelling chor de hai or hijab lena shuru kardiya hai or woh jald apni journey sab ke sath share karenge.

source: Daily Pakistan

Leave a Reply

Your email address will not be published. Required fields are marked *