Kya aap charas ko aam karna chahte hain??

Yeh woh sawaal hai jo Sindh High court k judge ne poocha, jab muddayi Ghulam Asghar Sain ne 10 gram chaaras rakhne aur istemaal karne ki ijaazat maangi. 

Islami Jamhooria-e-Pakistan ki adaalat mein kiya jaaney wala yeh sawaal, aik tamaancha hai iss qaum k kirdaar per. Lamha-e-fikria hai yeh humari aney wali naslon k liye.

Sindh High Court mein ghareeb aur adhairh umr Ghulaam Asghar ne yeh ajeeb darkhwast ki jiss per Justice Muhammad Ali Mazhar ne shadeed radd-de-amal ka izhaar krte huey kaha k kya aap chahtey hain k hum barmala logon ko charas istemaal karne ki ijaazat de dein? Ghulaam Asghar ka jawaaz buhat he kamzour magar hairaan kunn tha. Unn k kehne k mutaabiq yeh sawaal buhat majboor ho k kar raha hoon. unhon ne dunya k doosrey mumaalik jaisa k algeria ka reference dete huey kaha k wahan aik limited quantity mein charas istemal karne ki ijaazat hai. 

Justice Mazhar ne barhami ka izhaar karte huey kaha k phir aap aise he kisi mulk ko chaley jaein kyun k iss mumaley ki ijaazat iss mulk mein to mumkin nahi. Asghar ne haar na maani aur kaha k woh iss darkhwaast ko le kar barhi adaalat mein jaein ge. Unn ka kehna tha ke charas ke istemaal ki ijaazat dene se mulk mein business aye ga, aur economy pe behtar asar parhey ga. 

Ghulaam Asghar ne apne jaise auron ki awaz ban kar kaha k buhat sarey safaid posh loug is nashey ko istemaal karte hain aur qanoon naafiz karne waley idaarey unhain iss muamley mein tang karte hain. 

Afsos se kehna parhta hai k Karachi mein charas ka betahaasha istemaal kiya jata hai. Yahan tak k yeh dunya bhar mein Karachi ka naam 2nd number pe hai. Number 1 Newyork City hai. Teesrey number pe New Delhi hai. Humari ikhlaaqi iqdaar ko daikh kr to aath aath aansu roney ka dil chahta hai. Jiss mulk k buzurg tabqey ka yeh haal wahan ki naujawaan nasl ka to bas Allah he haafiz hai. Zara Sochiye!

Leave a Reply

Your email address will not be published. Required fields are marked *