Shoaib Khan The Makeup Artist

Agar baat ki jaye, mashhoor shakhsiyaat ko replicate karne ki to, madame tussaud waxworks ka naam sar-e-fehrist hoga. Pichli kayi decades mein ubharne wali taqreeban tamaam maya-naaz celebrities k statues wahan maujood hain, aur unn ki koi misaal nahi milti. Laikin Pakistani makeup artist Shoaib Khan ne apne makeup skills se awaam ko hairaan kar diya hai. Na sirf awaam balke fashion critics aur media industry mein bhi Shoaib Khan ne tehelka macha diya hai.

Yeh sach hai k makeup k zariye insaan apni dhalti umr k nishhanaat ko mita sakta hai. Apne khad-o-khaal ko behtar banane k saath saath, rang roop mein nikhaar paida krne k liye bhi is fun ka bharpoor istemaal kiya jata hai. Magar jo kamaal Shoaib Khan ne kiya hai woh behadd unique hai, aur hairaaan krdene wala bhi.

Malka-e-tarannum Noor Jehan hon ya Ertugral Ghazi ki graceful Halime Sultan, Bajirao ki bahadur Mastani (Deepika Padukone) ho ya Maleficent ki haseen Angelina Jolie, Shoaib Khan ne tribute paish krne ka aisa munfarid andaaz apnaya hai, k aql dang reh jaaye.

Woh chand cosmetics k istemaal se apni zaat ko aik bilkul naye saanchey mein dhaal lete hain. Lambe qad wale, sehat mand, yeh naujawaan mard, na sirf apni salaahiyat se naazuk andaam haseenaon k roop dhaar lete hain balkey mulk ki mayaa naaz charismatic noor jehan ki 2 martaba na sirf shakal apna chukey hain balkey unn ka hulya aur andaaz bhi behtareen andaaz mein copy karte hain. 

Shoaib Khan k barey k yeh kehna ghalat na ho ga k woh aik nihaayat he intelligent insaan hain. Kyun k itni choti choti details ko observe krna koi asaan baat nahi hai. Aur in details ko ignore kr k kisi ki itni behtreen naqal krna impossible hai.

Unn k haseen karnamon mein maazi ki mashhoor actress Rani k replica bhi shamil hai. 

Hollywood ki baat karein to mashhoor Disney Villian ka unhom ne aisa roop dhaara, k dar-asal iss role ko play krne wali khubsoorat Angelina Jolie bhi agr daikhein to hairaan reh jaein. 

Haseen tributes ki iss list mein Deepika Padukone top pe hain. Om shanti Om ki Shantipriya k makeup k baad, unhon ne BajiRao ki anmol Mastani ke getup kiya. Aur Chapaak ki Laxmi ka roop bana kr to unhon ne maidaan maar liya. Haseenon ki to naqal aksar loug kiya krte hain, magar aik acid victim ka roop dhaarna to buhat himmat ki  baat hai!

Waise to Pakistan mein fun ko pazeerayi zuroor milti hai magar zara hat kr kaam krne waley loug controversies ka shikaar hojate hain. Ab daikhte hain k talented Shoaib Khan ka future unn k liye kya le kar ata hai!

Leave a Reply

Your email address will not be published. Required fields are marked *