CELEBRITY BOUTIQUES IN PAKISTAN

Pakistan ki fashion industry buhat happening hai, yahan har rouz kuch naya sunney aur daikhne ko milta hai. Na sirf controversies balkey buhat achi achievements ki bhi news milti rehti hain. Humari celebrities buhat behtreen andaaz mein fashion trends ko carry karti hain. Iss wajah se yeh chamakte sitaarey humarey liye inspirations ban jatey hain. 

Haal he mein launch honey wali ek website Celebshop apni nauyyat ka aik munfarid platform hai. Isey agar Pakistan ka pehla lifestyle store kahein to baija na ho ga. Yahan pr taqreeban 30 pakistani mashhoor celebrities listed hain jinn mein Ahsan Khan, Sunita Marshal, Aijazz Aslam, Faysal Qureshi shamil hain. Iss website pe maujood sitarey in products ko endorse nahi kar rahey hai balke yahan yeh cheezain in  haseen khawateen o hazraat k personal style ki akaasi kr rahi hain. 

Yeh celebrities in products k front face pe hain aur apne asr o rusookh se in products k business mein izafa kar rahe hain. Farq yeh hai k business marketing k liye social media ka istemaal kiya ja raha hai. Aur jab awaam ko milein woh cheezain jo un k har dil azeez sitarey istemaal krte hain to kya he baat hai!

High level international brands jaise Bvlgari, Giorgio Armani, Mont Blanc, Yves Saint Laurent se le kar Maybelline, Bourjois, Max Factor sab ki behtareen range yahan maujood hai. Local brands mein Elan, Maria B, Generation, Luscious Cosmetics, Limelight, WB Hemani aur buhat se doosrey brands shaamil hain.

Youn to online shopping ka trens buhat arsey se aam hai. Facebook pe bhi online stores baney huey hain uss k ilawa aise kayi groups bhi hain jahan khawateen o hazraat khareedari karte huey nazar atey hain magar yahan pe risk factor buhat hai. Jab ke Celebshop pe maujood products intahayi trustable hain aur unn ko recommend karney waley famous aur reliable loug hain. 

Waise to Aijaz Aslam aur Nadia Hussain jaise stars apne successful boutiques chala rahey hain. Aur presently Ahsan Khan k barey mein bhi suna hai k woh Lahore mein M M Alam Road par apna boutique launch karne waley hain. 

Social Media k zarye sab possible hai aur shopping woh bhi apne pasandeeda sitaron k recommended products ki aik behtareen idea hai. Daikhte hain k celebshop koi new trend set kr paati hai ya nahi. 

Social Media has given us insight in to the lives of celebrities whose personas were limited to TV screens before. We now see them beyond the camera and have access to their unfiltered opinions; metaphorically speaking of course. Celebshop’s launch seems like a step in the right direction and long due.

Leave a Reply

Your email address will not be published. Required fields are marked *