Buri Nand in dramas- False or True?

Shadi k baad larhkiyaan apne shohar k ghar mein he achi lagti hain. Iss baat ki behtareen misaal ARY Digital ka drama Nand hai. Faiza Hasan jo aik buhat achi actress hain, nand (Gohar) ka character buhat achi terha nibha rahi hain. Woh aik bachey ki maa hain, but har waqt apne bhayyon k ghar rehti hain, aur unn ki biviyon ko sukoon se nahi rehne deti. Darasal woh yeh bardaasht nahi kr paa rahi k unn k maikey se unn ka raaj khatam ho. Iss liye ghatya tareen siyaasat ka muzaahira krte huey apni bhabiyon ki zindagi ajeeran kr chuki hain. Hatta k lowest level ki kirdaar kashi kr k dono bhaniyon kp talaaq dilwa chuki hain.

Ghisi piti muhabbat mein Sana Askari aka Farhat Parveen bhi aik buri nand ka kirdaar kr rahi hain, jo apni bhai ki biwi k zaivar pe nazr jamaye baithi hai. Farhat ki umr zyada hai, shadi ho nahi saki unn ki, lihaaza woh is frustration ka nishaana apni bhabi ko banati hain, aur darwaze se kaan laga k unn ki baatein sunti hai.

Bharhaas mein Behroz Sabzwari ki behn apni bhabi Shaista Jabeen k saath behad ziyaadti krti rahi hain aur ab unn ki bahu k saath iss se bhi zyada buri siyaasat kr rahi kr rahi hain. Shaista jabeen k bete ko unn ki apni beti pasand krti hai lihaaza woh uss ki biwi ko har waqt tanz ka 

nashaana banaye rakhti hain.

Upar zikr kiye janey waley tamaan he serials nand k rishtey k negative pehlu dikha rahey hain. Waise to yeh baat sab he jaantey hain k nand positive kam he hua karti hain. Shayed yehi wajah hai k iss point ko media itna zyada raise kr raha hai. Ghareloo siyaasat, kirdar kachi aur ouchhi harkaton se ab humare dramon ko baahir ajana chahye. Society mein aur bhi masaail hain jin ki akaasi karna zuroori hai. Aur agr iss tarah k tpixs dikhaney he hain to koi solution ya tanbeeh ka pehlu bhi dikhana chahye. Werna zabardast entertainment to mil jaye gi but islaah ka koi aspect nahi hoga.

Leave a Reply

Your email address will not be published. Required fields are marked *