TWO WIVES IN DRAMAS A NEW TREND

Youn to musalmaan mard ko chaar shadiyon ki ijaazat hai, agar insaaf k taqaaze poorey kar sakta ho. Presently on-air honey waley dramon mein muamla zara mukhtalif hai. Muhabbat tujhe Alvida, Tera gham aur Hum, Qurbatein; yeh teenon he dramey kuch alag kahaani paish kr rahy hain. Mard hazraat in teenon stories mein, kuch phans se gaye hain.

Muhabbat tujhe Alvida mein Ulfat (Sonia Hussain) mehz iss liye apne shadeed muhabbat krne waley shohr Shahaan (Zahid Ahmed) ki doosri shadi karati hai, kyunke woh ghurbat se tang aa chuki hai. Usey offer krne wali Shafaq (Mansha Pasha) broken marriage ki victim hai and she needs love. Qaabil-e-ghaur baat yeh hai daulat ki khatir woh apne shohar ka sauda kr leti hai. Aur phir uss se bardàsht nahi hota apne shohar ko share karna. 

Tera gham aur Hum ki kahaani kaafi had tak typical hai. Ali apni barhi umr ki cousin(mahi) se shadi kr leta hai, jabke uss ki doosri cousin(Azekha Daniel) usey pasand krti hai. Woh iss shadi pe buhat negatively react karti hai aur haar nahi maanti. Buhat zor zabardasti aur emotional blackmail k baad woh Ali se shadi karne mein kamyaab hojati hai. Ali uss se unwillingly shadi karta hai. Cheap ghareloo politics aur negative kirdar kashi kr kr k Azekha apne shohar ko Maahi se bilkul mutanffir kardeti hai, although Ali Maahi se beinteha pyar karta hai.

Qurbatein ki kahaani bhi laalach ki behtareen misaal hai. Kiss tarha Areeba jo k financially kamzour hai, apni best friend Zimal k shohar ko saazishein kar kar k hathya leti hai.

In sab kahaniyon mein qabil-e-haur baat yeh hai k khawateen kabhi anaa, kabhi daulat aur kabhi zid k naam pe doosri aurat ka ghar tabah kr rahi hain. Kya iss ki wajah humarey 

muashrey k mardon ki weakness hai ya khawateen ki laalach aur ana..Yaqeenan media pe ujaagar kiye janey waley iss muamley mein kuch na kuch to haqeeqat hai? tab he bayak waqt 3 dramey iss pehlu ki akaasi kar rahey hain.

Leave a Reply

Your email address will not be published. Required fields are marked *