What Is Postpartum Depression?

Maa banna aik anokha tajruba hai, aur isey wohi samjh sakta hai, jo iss se khud guzra ho. Musalsal takleef, achaanak ajaney wali zimmedari, neend ki shadeed kami, zehni koft ka baa’is hosakti hain. Aur agar yeh sab shiddat ikhtyar kar le to Postpartum depression (PPD) ban jata hai.

Postpartum Depression darasal majmua hai beshumar zehni, jazbaati aur jismaani tabdeelion ka jo aurat maa banney k baad mehsoos karti hai. Yeh amal aurat ki zindagi ko yaksar tabdeel kr deta hai. PPD depression ki woh qism hai jo delivery k taqreeban 4 hafte baad zahir hona shuru hosakti hai. PPD ki wajah woh keemiyayi, muashrati air nafsiyaati tabdeeliayan hain jo baby ki aamad k saath maa mehsoos krti hai. Agar depression ki yeh kaifiyat lambi hojaye to mareez ko iss se baahir nikalna zuroori ho jata hai. 

How to Conquer Insomnia: Tips to Get You Sleeping Again – Penn Medicine

Female reproductive hormone estrogen aur progesterone ki miqdaar pregnancy k dauraan kayi gunaah barhh jati hai. Baby deliver hone k taqreeban 3 din k andar yeh hormones apne normal level pe aa jatey hain. 

PPD k symptoms buhat wazeh nahi hotey. Bachey ki paidaish k baad kuch alaamat buhat normal hain jaise

  • Soney mein pareshani
  • Appetite mein tabdeeli
  • Zyada thakaawat
  • Nafsaani khwahish ki kami
  • Mood mein alat palat hona

Agar aap ko PPD hai, to in alaamaat k saath aap mazeed kuch tabdeeliyan mehsoos karein gi Jaise

  • Depressed mood 
  • Nakhush rehna.
  • Apne aap ko be-wuqat Lagna aur na-umeedi.
  • Maut aur khudkushi ka khayaal ana.
  • Doosron ko takleef puhnchaney ka khayaal ana. 

Postpartum depression ko ignore kerna maa aur bachey dono k liye nuqsaan ka baa’is hai. Agar maa 2 hafte se zyada yeh kaifyaat mehsoos karey, ya usey kaam karne mein mushkil ho, to fori taur per medical help leni chahye. Mazeed symptoms mein darna, khaufzada hona, bechain hona shamil hain. Aisa bhi hosakta hai k woh khud ko ya bachey ko nuqsaan puhnchane ki koshish karein. 

Ehtyaat ilaaj se behtar hai. Nayi maa jismani azeeyat k saath zehni aur jazbasti support ki khwahaan hoti hai. USS ka khayaal rakhein!

Leave a Reply

Your email address will not be published. Required fields are marked *